Ticker

6/recent/ticker-posts

ઘરના મંદિરમાં હોય ભગવાન શ્રીકૃષ્ણની મૂર્તિ, તો ક્યારેય ન ભૂલો આ 6 પ્રિય ચીજો...

શ્રીકૃષ્ણને પ્રેમનું સ્વરૂપ માનવામાં આવે છે. ગ્રંથોમાં કહેવામાં આવ્યું છે કે, શ્રીકૃષ્ણનું વ્યક્તિત્વ ખૂબ જ સંમોહક છે. તેઓ પીળું પીતાંબર ધારણ કરે છે અને તેમના મુકુટ પર મોરપંખ છે. શ્રીકૃષ્ણને ૬ ચીજોથી ખૂબ જ પ્રેમ છે. પહેલી વાંસળી જે હંમેશા તેમના હોઠો સાથે લાગેલી રહે છે. બીજી ગાય અને ત્રીજું માખણ, ચોથું મોર પંખ, પાંચમું કમળ અને વૈજયંતી માળા. આ ૬ વસ્તુઓ શ્રીકૃષ્ણને પ્રિય હોય છે. એટલા માટે જે પણ વ્યક્તિ શ્રીકૃષ્ણને આ ચીજો અર્પિત કરે છે, તેમના ઘરમાં હંમેશા સુખ-સમૃદ્ધિ અને ઐશ્વર્ય બની રહે છે. તો ચાલો જાણી લઈએ શ્રીકૃષ્ણને કેમ પ્રિય છે આ ૬ ચીજો.

મોરલી કે વાંસળી

શ્રીકૃષ્ણને વાંસળી ખૂબ જ પસંદ છે કારણકે તે કાન્હાની ખૂબ જ પ્રિય છે. તેના ત્રણ મુખ્ય કારણ છે. પહેલું વાંસળી એકદમ સીધી હોય છે. તેમાં કોઇપણ રીતની ગાંઠ હોતી નથી. જે સંકેત આપે છે કે પોતાની અંદર કોઈપણ પ્રકારની ગાંઠ રાખો નહી. મનમાં બદલાની ભાવના રાખો નહી. બીજું વગર વગાડીએ તે વાગતી નથી. જેમ કે તે બતાવી રહી હોય છે કે જ્યાં સુધી કહેવામાં ના આવે ત્યાં સુધી બોલવું નહી અને ત્રીજું જ્યારે પણ વાગે છે મધુર જ વાગે છે. જેનો અર્થ થયો કે જ્યારે પણ બોલ મીઠું જ બોલો. જ્યારે આવા ગુણ ભગવાન કોઈનામાં જુએ છે તો તેને ઉઠાવીને પોતાના હોઠો સાથે લગાવી દે છે.

મોરપંખ

મોરપંખ દેખાવમાં ખૂબ જ સુંદર હોય છે. એટલા માટે તેને સંમોહનનું પ્રતીક માનવામાં આવે છે. મોરને ચિર-બ્રહ્મચર્ય યુક્ત પ્રાણી સમજવામાં આવે છે. એટલા માટે શ્રીકૃષ્ણ મોરપંખ ધારણ કરે છે. મોર મુકુટનો ઘેરો રંગ દુઃખ અને કઠણાઇઓ, હળવો રંગ સુખ-શાંતિ અને સમૃદ્ધિનું પ્રતીક માનવામાં આવે છે.

ગાય

કહેવાય છે કે ગાયના શરીરમાં ૩૩ કરોડ દેવતાઓનો વાસ હોય છે. સાથે જ તે બધા ગુણોની ખાણ છે. ગાય શ્રીકૃષ્ણની અતિપ્રિય છે. ગાયથી પ્રાપ્ત ગૌમુત્ર, છાણ, દૂધ, દહી અને ઘી વગેરે પંચગવ્ય કહેવાય છે. માન્યતા છે કે તેનું પાન કરવાથી શરીરના અંદરના પાપ ધોવાઈ જાય છે. એટલા માટે ઘરની અંદર મંદિરમાં શ્રીકૃષ્ણની સાથે ગાય તથા વાછરડું પણ રાખવું જોઈએ.

માખણ અને સાકર

કાન્હાને માખણ અને સાકર ખૂબ જ પ્રિય છે. સાકર નો એક મહત્વપૂર્ણ ગુણ એ હોય છે કે જ્યારે પણ તેને માખણમાં મેળવવામાં આવે છે તો તેની મીઠાશ માખણના કણ-કણમાં ભળી જાય છે. તેના પ્રત્યેક ભાગમાં સાકર ની મીઠાશ સમાઇ જાય છે. સાકર યુક્ત માખણ જીવન અને વ્યવહારમાં પ્રેમને અપનાવવાનો સંદેશ આપે છે. તે બતાવે છે કે પ્રેમમાં કેવી રીતે ભળી જવું જોઈએ.

કમળ

કમળ કાદવમાં ઉગે છે અને તેમાંથી જ પોષણ મેળવે છે. પરંતુ તે હંમેશા કાદવથી અલગ જ રહે છે. એટલા માટે કમળ પવિત્રતાનું પ્રતીક છે. તેની સુંદરતા અને સુગંધ બધાનું મન મોહી લે છે. સાથે જ કમળ એ સંદેશ પણ આપે છે કે આપણે હંમેશા કેવું જીવન જીવવું જોઈએ? સાંસારિક અને આધ્યાત્મિક જીવન કેવી રીતે જીવવું તેની સરળ રીત કમળ બતાવે છે.

માળા

ભગવાનના ગળામાં વૈજયંતી માળા હોય છે, જે કમળના બીજમાંથી બને છે. મતલબ કે, કમળના બીજ સખત હોય છે. ક્યારેય તૂટતા નથી, સડતા નથી, હંમેશા ચમકદાર રહે છે. તેનું તાત્પર્ય છે કે જ્યાં સુધી જીવન છે ત્યાં સુધી હંમેશા પ્રસન્ન રહો. બીજું આ માળા બીજ છે, જેની મંઝિલ હોય છે ભૂમિ. ભગવાન કહે છે કે જમીનથી જોડાયેલા રહો. કેટલા પણ મોટા કેમ ના બની જાઓ. હંમેશા પોતાના અસ્તિત્વના વાસ્તવિકતાની નજીક રહો.

Post a Comment

0 Comments